بعد استمراره رسميًا مع النادي الأهلي.. أبرز تصريحات معلول مع أحمد شوبير في برنامج حارس الأهلي

ظهر اللاعب الدولي التونسي علي معلول لاعب النادي الأهلي المصري مع الإعلامي القدير أحمد شوبير، وأعلن اللاعب عن استمراره مع الفريق بعد اتفاقه مع النادي لمدة 6 شهور قادمة، واستقبل جمهور النادي الأهلي الخبر الخاص باللاعب الدولي التونسي معلول، حيث يحب الجمهور اللاعب بسبب مساهماته مع النادي في جميع البطولات.

تصريحات معلول عن ارتباطه بالأهلي

علق اللاعب التونسي علي معلول على ارتباطه بالنادي الأهلي وجمهوره، حيث قال: “شرف لي ارتداء شارة النادي الأهلي في يوم مميز، وبالنسبة لي ماتش الجونة لن انساه، والجماهير اللي عملته في المدرج لن أنساه.. كان يوم مميز بالنسبة لي حتى لما روحت البيت لم أكن مصدق الفرحة اللي عيون الناس والهتافات اللي كانت في المدرجات، اللحظات دي تخلي الواحد يكون فخور بالنادي الأهلي طول عمره”.

وأضاف معلول: “هنعمل كل اللي علينا، والكل عايز يشارك، والأمر يرجع للجهاز الفني، لأن دي مصلحة الفريق في الآخر، كنت بستغرب من الناس اللي بتقول في مشاكل بيني وبين كولر، وعلاقتي معاه كانت رائعة على مدار سنتين، وأنا كنت أساسي معاه.. وكنت مندهش من الأخبار اللي بتتردد”.

معلول يوضح علاقته مع كولر ومسئولي النادي الأهلي

علق معلول على علاقته بالمدرب السويسري كولر، حيث قال: “لا توجد أى مشكلة مطلقا مع كولر، وعلاقتي معاه كويسة جدا، ولو فى أى مشكلة كنت إزاى على مدار سنتين مش بطلع من الملعب، مسئولو النادي الأهلي اتكلموا معايا، وقالوا لي أنت شايف المرحلة دي إزاي، قولت لهم (الفترة دي لازم اتعالج واتأهل كويس) لكن قولت لهم أنا واثق فى نفسى طالما رجعت للملعب، هابقى قادر أن أثبت نفسي وأكمل مع الأهلي، والنهاردة بعد 6 أسابيع، بتحسن بشكل واضح وكل الناس شايفة.. ووصلت لـ70 أو 80% من فورمتي القديمة”

وأضاف: “أنا دلوقتي باخد حمل التدريب بالكامل، محتاج شوية ماتشات ودية، أو حتى في التمرين محتاج شوية كمان وبعدها هابقى جاهز 100%، ولو كولر أراد اختياري في قائمة الفريق خلال الفترة المقبلة هاكون جاهز”.