منوعات
طريقة عمل العيش الشامي في الطاسة مثل الجاهز بتاع الأفران بالظبط
يعتبر العيش الشامي من أنواع المخبوزات المشهورة والمعروفة في جميع أنحاء العالم، ويعد من المخبوزات الأساسية في الغداء أو العشاء أو في أى وقت، حيث تبحث الكثير من السيدات على طريقة تحضيره في المنزل لضمان النظافة وتوفير المال وسوف نقدم لكم من خلال هذا المقال طريقة عمل العيش الشامي في المنزل بطريقة سهلة وبسيطة وغير مكلفة ومضمونة.
مقادير عمل العيش الشامي
توجد بعض المقادير البسيطة المطلوب تحضيرها لعمل العيش الشامي في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- نصف كيلو دقيق.
- ٢ معلقة كبيرة لبن بودرة.
- ربع معلقة صغيرة ملح.
- معلقة صغيرة سكر.
- معلقة صغيرة خل.
- معلقة كبيرة خميرة فورية.
- ماء دافىء للعجن.
- ٢ معلقة كبيرة زيت.
- ٢معلقة زبادى.
طريقة التحضير
سوف نتعرف على بعض الخطوات التالية لعمل العيش الشامي في الطاسة بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- نذوب الخميرة والسكر فى نصف كوب ماء دافىء.
- واخلطى الدقيق مع الملح والخل واللبن البودر وقلبى كويس وضيفى عليهم خليط الخميرة والسكر وقلبى وانزلى بالماء الدافيء بالتدريج.
- واعجنى لحد ما العجينة تلم معاكى وتبقي بتلزق شوية انزلى بالزيت ولمى العجينه وغطيها واتركيها تخمر لحد ما يتضاعف حجمها.
- وفى صينية رشة دقيق وكوريها بالمقاس المناسب ليكى وغطيها وابدأى من أول كورة عملتيها ومع رشة دقيق خفيفة.
- وبالنشابة افرديه بسمك حوالى ٢ ملى ورصيها على فوطة أو قطعة قماش وغطيها علشان ميعملش قشرة وفي طاسة على نار متوسطة انزلى بأول رغيف فردتية وسويه على الجانبين.
ملحوظة
- اتأكدى أن الخميرة تضاعف حجمها قبل إضافتها غير كده تبقى غير نشطه بلاش تستخدميها.
- ممكن استبدال اللبن البودرة بنصف كوب حليب أو علبة زبادى صغيرة.
- التخمير مهم علشان الرغيف يقب معاكى.
- التسوية فى الطاسة من غير دهان.
- ممكن تسويته فى الفرن لو شغال فوق وتحت مع بعض.
- السمك بعد الفرد لا يتعدى ٣ ملى.
- ممكن تخزينه فى الفريزر ويخرج منو ويستخدم في السندوتشات بديل للعيش الفينو.
