طريقة عمل القشطوطة في المنزل لضمان النظافة وتوفير المال

تعتبر القشطوطة من الحلويات المحببة لدى كثير من الناس الكبار والصغار وتعد من الحلويات المطلوبة في العزومات والمناسبات وأعياد الميلاد، حيث تبحث الكثير من السيدات على طريقة تحضيرها في المنزل بطريقة سهلة وبسيطة وسوف نقدم لكم من خلال هذا المقال طريقة عمل القشطوطة في المنزل مثل الجاهزة بتاعت المحلات

مقادير عمل القشطوطة

توجد بعض المقادير البسيطة المطلوب تحضيرها لعمل القشطوطة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-

لتحضير الكيك:

• 3 بيضات بدرجة حرارة الغرفة.
• كوباية سكر.
• معلقة فانيليا.
• كوباية ونصف دقيق.
• معلقة كبيرة بيكنج بودر.
• ربع معلقة صغيرة ملح.

لسقي الكيك:

• كوباية لين.
• ملعقتان كبار سكر.

لتحضير طبقة الكريمة:

• كيس كريم شانتية.
• كوباية الا ربع لبن مثلج.
• ربع كوباية سكر بودرة.

لتحضير طبقة الكراميل:

• كوباية سكر.
• ملعقتان كبار زبدة.
• معلقة كبيرة نشا.
• كوباية لبن.

طريقة التحضير

سوف نتعرف على بعض الخطوات التالية لعمل القشطوطة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-

1. نحضر بولة ونحط فيها البيض واحدة واحدة ونخفق بالمضرب الكهربائي لحد ما يتضاعف حجم البيض وبعد كده السكر والفانيليا ونكمل بالمضرب لحد السكر مايدوب ويتحول لخليط قوام كثيف.
2. بعد ذلك نضيف الدقيق المضاف إليه البيكنج بودر ورشة الملح شوية شوية ونكمل ضرب بالمضرب اليدوي لحد ما يتكون خليط الكيكة.
3. نحضر قالب مستطيل ونبطنة بزيت ودقيق وننزل فيه بالخليط بتاعنا بعد كده ندخل القالب الفرن على درجة حرارة ١٨٠ لمدة ٤٠ دقيقة واطلعها نتركها على جنب.
4. نحضر  كوباية اللبن ونضيفلها ملعقتان السكر ونسقي بيها الكيكة.
5. ونبتدي نحضر الكريم شانتية بخلط الكريم الخام مع اللبن المثلج والسكر وبالمضرب الكهربائي لحد الحصول على القوام المناسب و على الكيك على طول.
6. وفي حلة مناسبة نضع السكر على النار لحد ما يدوب تمامًا ويآخد لون الكراميل بعد كده اضيفله الزبدة واللبن والنشا مع التقليب لحد مايلف معايا ويبقى صوص كراميل كريمي.
7. يترك  يبرد ثم يزين بيه الكيكة وعلى الثلاجة اقل حاجة ٤ ساعات وبألف هناء وعافية.