طريقة عمل البسبوسة بالقشطة في المنزل بطريقة سهلة وبسيطة

تعتبر البسبوسة بالقشطة من الحلويات المعروفة والمشهورة في جميع أنحاء العالم، وتتميز بمزاقها الشهي واللذيذ الذي يعشقو الأطفال والكبار وخاصة الأطفال، وتعد من الحلويات المطلوبة بكثرة في العزومات والمناسبات وأعياد الميلاد، حيث تبحث الكثير من السيدات على طريقة تحضيرها في المنزل بطريقة سهلة وبسيطة وسوف نقدم لكم من خلال هذا المقال طريقة عمل البسبوسة بالقشطة في المنزل مثل الجاهزة بتاعت المحلات.

مقادير عمل البسبوسة بالقشطة

توجد بعض المقادير البسيطة المطلوب تحضيرها لعمل البسبوسة بالقشطة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-

• نصف كيلو سميد بسبوسة (3 كوب )
• ٢ ملعقة كبيرة جوز هند.
•  نصف ملعقة صغيرة بيكنج بودر .
• ذرة ملح.
• كوب سمنة.
• كوب لبن دافئ.
• ٢ ملعقة كبيرة عسل جلوكوز.
• نصف كوب سكر.
• قشطة.

الشربات

• ٢ كوب سكر.
• ٢ كوب ماء.
• ملعقة كبيرة سمنة.
• ملعقة كبيرة عسل جلوكوز.
• ليمون.

خطوات التحضير

سوف نتعرف على بعض الخطوات التالية لعمل البسبوسة بالقشطة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-

1. نضيف علي السميد جوز الهند والبيكنج بودر والملح وعليهم كوبايه سمنة سايحة واخلطيهم مع بعض.
2. انزلي في البولة كوب اللبن مع الجلوكوز والسكر يدفوا بس مع بعض ودوبي معاهم معلقة قشطة.
3. ادهني الصينية بالسمنة وضيفي طبقة بسبوسة و حركي الصينية تتساوى وعليها طبقة القشطة وبعدين طبقة تانية من البسبوسة.
4. دخليها الفرن علي درجة حرارة ١٨٠ تأخد سواها.
5. نضيف عليها الشربات خفيف سخن علي البسبوسة وهي سخنة وغطيها.

القشطةالكدابة

• كوب لبن.
•  ٢ ملعقة كبيرة دقيق.
•  ٢ ملعقة كبيرة نشا.
• ٢ملعقة كبيرة سكر.
• ٢ملعقة كبيرة قشطة.
• ملعقة صغيرة فانيليا.

خطوات التحضير

• نضيف المقادير علي بعض في الخلاط ياخدوا ضربة وبعدين انزلي بيهم علي النار مع التقليب لحد مايتقل القوام.
• ثم بعد ذلك انزلي بشوية فانيليا سايلة
  سبيها تبرد واشتغلي بيها وبألف هناء وعافية على قلبك.