منوعات
طريقة عمل صينية البطاطس بالكفتة في المنزل لضمان النظافة وتوفير المال
تعتبر صينية البطاطس بالكفتة من الأكلات المحببة لدى الجميع الكبار والصغار وخاصة الأطفال، وتعد من الأكلات الخفيفة على المعدة والمفيدة لجسم الإنسان لأنها تحتوي على الكفتة، ولذلك تبحث الكثير من السيدات على طريقة تحضيرها في المنزل لضمان النظافة وتوفير المال وسوف نقدم لكم من خلال هذا المقال طريقة عمل صينية البطاطس بالكفتة في المنزل بطريقة سهلة وبسيطة.
مقادير عمل صينية البطاطس بالكفتة
توجد بعض المقادير البسيطة المطلوب تحضيرها لعمل صينية البطاطس بالكفتة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- بطاطس شرائح.
- بصل مبشور.
- ملح وفلفل.
- بشرة جوزة الطيب اختيارى.
- فلفل أخضر شرائح.
- طماطم شرائح.
- بصل شرائح.
الكفتة
- نصف كيلو لحمة مفرومة.
- بصلة كبيرة مبشورة.
- توم فرش أو بودر.
- بقدونس أو زعتر فرش.
- ربع كوب بقسماط وممكن نستخدم برغل ينقع ويصفا.
- ملح وفلفل.
- بهار لحمة.
- ملعقة صغيرة كركم.
- ملغقة كبيرة بابريكا.
- رشة قرفة.
- رشة بيكنج بودر أو بيكنج صودا أختيارى.
- معلقة صغيرة دبس فلفل أو هريسة أو رشة من الشطة المجروشة.
للصوص
- كوب عصير طماطم.
- نصف كوب ماء ساخن.
- معلقة كبيرة صلصة طماطم أو كوب ماء ساخن مع ٢ معلقة كبيرة صلصة فقط.
- مكعب مرقة خضار أختيارى.
- ملح ، فلفل.
- بهار مشكل.
- رشة قرفة.
- بابريكا.
- كمون.
- معلقة كبيرة دبس رمان أختيارى.
- زبدة وزيت.
خطوات التحضير
سوف نتعرف على بعض الخطوات التالية لعمل صينية البطاطس بالكفتة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- بنخلط نصف كمية البصل المبشور مع رشه ملح والفلفل وجوزة الطيب ونقلبه مع شرائح البطاطس ونتركها على جنب.
- نخلط مكونات الكفته جيداً ثم نبدأ نشكلها على شكل أقراص بنفس حجم شريحة البطاطس.
- وندخلها الثلاجة لنصف ساعة واما توضع مع البطاطس نيه أو تشوح فى زبدة يدوب تأخد لون.
- نحضر صينية وندهنها سمنة وزيت ونبدأ نرص شريحة بطاطس ثم كفتة ثم بطاطس ولو هنضيف شرائح الطماطم والبصل والفلفل بنرسها معاهم بالترتيب ونكمل كل الطريقة هكذا.
- الصوص متسبك نشوح باقى كمية البصل المبشور وننزل عليه بالصلصة وعصير الطماطم وباقى المكونات وممكن نضيف ثوم حسب الرغبة ونتركها تتسبك.
- أو نعمله نئ فى نئ ندوب مكعب المرقة فى نصف كوب الماء الساخن ثم نضع عليه الصلصة وندوبها جيداً ثم نضع عصير الطماطم والبهارات.
- أو لو هنعملها بصلصة بس هندوب ملعقتان الصلصة مع كوب ماء ساخن ومكعب المرقة والبهارات ونقلب ثم نوزعها على الصينية.
- وعلى الوجه نضع قطع من السمنة بندخلها الفرن لو الكفتة نيه بتدخل بدون مانغطيها ولازم يكون الفرن سخن من قبل حتى الكفتة متنزلش مياة.
- ونتركها لحد ما تأخد لون ونغطيها بالفويل حتى تمام السوا ولو مشوحين الكفته بنغطيها بالفويل من البداية وبألف هناء وعافية على قلبك.
