كريم فؤاد يكشف لأول مرة تفاصيل إصابته ويوضح رسالة أبو تريكة له بعد الإصابة
أعلن النادي الأهلي منذ فترة إصابة اللاعب كريم فؤاد بقطع في الرباط الصليبي غاب بسببه اللاعب لفترة طويلة عن الملاعب ولا يزال، وتعتبر هذه هي المرة ليست الأولى بالنسبة للاعب حيث تعرض لنفس الإصابة وعاد وشارك بقوة في المباريات، وظهر اللاعب الدولي المصري كريم فؤاد في حوار تليفزيوني مع الإعلامي أحمد شوبير عبر قناة الأهلي في برنامج حارس الأهلي الجديد.
تفاصيل إصابة كريم فؤاد
تعرض فؤاد لإصابة قوية في الركبة في أحد المباريات التي شارك خلالها مع الأهلي، وأوضح فؤاد عبر البرنامج تفاصيل الإصابة، حيث قال: “اول ما وقعت وقت الإصابة في الملعب، كنت خارج بفكر هي ولا مش هي، رباط ولا مش رباط وبعدين جالي اصوات مش صوتي “صوت شيـطان” يقولك انت هتغيب فترة طويلة وهتبعد عن المنتخب، ولكن نمت وصحيت وكل الاصوات دي اتبخرت، بدأت اسمع صوت نفسي وان اللي حصل دا خير، وان ربنا قدرلك حاجه”.
وأضاف فؤاد: “الحاجة دي انت قادر عليها وتقدر تستحملها، وانه كان قادر يجبلك ابتلاء اكبر من كدا مكنتش هتقدر عليه.. واحنا كدا كدا عايشين في الحياة علشان مبتلى.. سواء الحاجه عجبنا او مش عجبنا، ويبخت اللي الاختبار بيجله على قد ايده.. كتبت بعد اصابتي ان كل خسارة دُونَ الجنة، فهي دُون”.
رسالة أبو تريكة لكريم فؤاد
وأوضح كريم فؤاد رسالة اللاعب السابق للنادي الأهلي ومحلل قنوات بي إن سبورت الحالي محمد أبو تريكة بعد إصابته، حيث قال: “لما تعرضت للإصابة الكابتن محمد أبو تريكة بعتلي رسالة على انستجرام قالي “الف سلامة عليك”، ورديت عليه قولتله “دي أول خطوة في العلاج ان انت تكلمني”، كانت حاجه كبيرة اوي ان كابتن تريكة يكلمني”.
