منوعات
طريقة عمل صوص الشيكولاتة في المنزل بمذاق شهى ولذيذ وبمكونات موجودة في كل منزل
يعتبر صوص الشيكولاتة من الأساسيات في تزين الحلويات والكيكات بجميع أنواعها ولذلك تبحث الكثير من السيدات على طريقة تحضيره في المنزل لضمان النظافة وتوفير المال وبطريقة سهلة وبسيطة ويعد صوص الشيكولاتة من الحلويات المفيدة لجسم الإنسان، ولذلك سوف نقدم لكم من خلال هذا المقال طريقة عمل صوص الشيكولاتة بمذاق شهى ولذيذ وصحى.
مقادير عمل صوص الشوكولاتة
توجد بعض المقادير البسيطة المطلوب تحضيرها لعمل صوص الشيكولاتة في المنزل بطريقة سهلة وبسيطة وغير مكلفة ومضمونة وبمكونات موجودة في كل منزل وهي كالتالي:-
مكونات الطريقة الأولى
- كوب حليب.
- ٣معالق كبيرة سكر.
- معلقة كبيرة نشا.
- معلقة كبيرة كاكاو خام.
- ربع معلقة صغيرة نسكافية (قهوة سريعة الذوبان)٠
- 60جرام قطع شوكولاتة أو شوكليت شيبس.
طريقة التحضير
سوف نتعرف على بعض الخطوات التالية لعمل صوص الشيكولاتة في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- اخلطي كل المكونات في كاسرولة أو حلة على البارد لحد ما المكونات تمتزج مع بعضها كويس.
- حطي الكاسرولة أو الحلة على نار متوسطة وقلبي كويس بمضرب سلك يدوي وأول ما الصوص يبدأ يتقل ضيفي قطع الشوكولاتة أو الشوكليت شيبس مع التقليب المستمر لحد ماتحصلي على القوام المطلوب.
- وبعدين ارفعيه عن النار وضيفي الزبدة أو الزيت وقلبي جيدا ويترك حتى يبرد.
- ثم بعد ذلك يوضع في برطمان محكم الغلق ودخليه الثلاجة لحين الاستخدام.
- بلاش يترك الصوص فترة طويلة على النار عشان ميبقاش تقيل، ولو حسيتي إنه تقيل هتزودي شوية حليب، كل ما كان الحليب أكتر كل ما كان الصوص أخف.
- يستخدم الصوص في تزيين الكيك والحلويات بأنواعها.
مكونات الطريقة الثانية
- كوب حليب.
- كوب سكر بودرة.
- كوب زيت.
- نصف كوب كاكاو خام.
طريقة التحضير
نضيف الحليب والسكر في الخلاط الكهربائي ونضربهم جيدا لحد ما يمتزجوا والسكر يذوب.
- نضيف الكاكاو ونضرب جيداً لحد ما الكاكاو يذوب.
- نبدأ بإضافة الزيت للخليط خيط رفيع بالتدريج مع الإستمرار في الضرب لحد ما يتكون معانا صوص الشوكولاتة اللذيذ.
- ولو حابة الصوص يبقى تقيل أكتر زودي كمية الزيت.
- استخدمي الصوص في تزيين الكيك والحلويات والآيس كريم وممكن تحفظيه في برطمان زجاجي وتدخليه الثلاجة لحين الاستخدام وبألف هناء وعافية على قلبك.
