منوعات
طريقة عمل خبز الكيزر في المنزل مثل الجاهز بتاع الأفران لسندوتشات المدرسة
يعتبر عيش الكيزر من أنواع المخبوزات المشهورة والمعروفة في جميع أنحاء العالم، ويعد من المخبوزات الأساسية في الفطار بجانب الشاي أو الحليب وفي سندوتشات المدرسة وفي أى وقت،حيث يقوم البعض بشرائة من الأفران،ولذلك سوف نقدم لكم من خلال هذا المقال طريقة عمل عيش الكيزر في المنزل لضمان النظافة وتوفير المال وبطريقة سهلة وبسيطة.
مقادير عمل عيش الكيزر البيتى
توجد بعض المقادير البسيطة المطلوب تحضيرها لعمل عيش الكيزر في المنزل بطريقة سهلة وبسيطة وغير مكلفة وبمكونات موجودة في كل منزل وهي كالتالي:-
- كيلو دقيق متعدد الأغراض.
- ٢ معلقة كبيرة لبن بودرة.
- نصف كوب زيت.
- نصف معلقة صغيرة ملح.
- ٢ معلقة كبيرة سكر.
- ٢ملعقة كبيرة خميرة فورية .
- ٢ معلقة صغيرة بيكنج بودر.
- ماء دافئ للعجن.
- معلقة صغيرة خل.
خطوات التحضير
سوف نتعرف على بعض الخطوات التالية لعمل عيش الكيزر في المنزل مثل الجاهز بتاع الأفران وبطريقة سهلة وبسيطة وهي كالتالي:-
- فى نصف كوب ماء دافئ اخلطى الخميرة مع السكر وتترك على جنب تخمر ويتضاعف حجمها.
- وفى طبق انزلى بالدقيق وعليه رشة الملح واللبن البودر والبيكنج بودر والخل وخليط الخميرة والسكر بعد ما يخمر.
- وانزلى بالماء بالتدريج واعجنى لحد ما العجينة تلم معاكي وتكون بتلزق انزلى بالزيت واعجنى تانى لحد ما يختفى الزيت و العجينة تندمج مع بعضها نتركها تخمر لحد ما يتضاعف حجمها.
- وبعدين شكليها كور بالحجم المناسب ورصيها فى صاج أو صنية مدهونة زيت وتترك تخمر لمدة ربع ساعة لحد ما يتضاعف حجمها.
- ثم بعد ذلك ادهنى الوجه باللبن من غير ما تضغطى ورشى السمسم.
- ودخليها الفرن ساخن على درجة حرارة ٢٠٠ ولما يخرج من الفرن رشيه خفيف ببخاخة مياة وغطيها ثوانى بفوطة نظيفة وبألف هناء وعافية على قلبك.
